Hetjurnar | Félag langveikra barna á Norðurlandi

Aðalfundur Hetjanna verður haldinn í sal Glerárkirkju mánudaginn 29. apríl klukkan 20:00 (gengið inn niðri að austan)
 
efni fundarins:
* venjuleg aðalfundarstörf
*kosning stjórnar
 
*önnur mál
 
hefur þú áhuga á að starfa fyrir félagið, komdu á fund og gefðu þig fram :)
 
Ragna K. Marínósdóttir formaður Umhyggju mætir á fundinn og mun upplýsa okkur um starfsemi Sjónarhóls.
 
Fyrr um daginn eða milli kl. 17:00 og 18:00 mun Ragna vera í sumarhúsi hetjanna í Vaðlaborgum og afhenda bútasaumsteppi til nýrra félaga eða þeirra sem ekki hafa fengið teppi. Þetta eru bútasaumsteppi sem Bútasaumsfélag Íslands gerir og heitir "teppi fyrir hetju". Skemmtilegast væri að barnið væri með í för og fengi að velja sér sitt teppi sjálft.
 
kv. stjórnin
           

Átak heilsurækt og Aqua SPA ákváðu að gefa Hetjunum, félagi langveikra barna á Norðurlandi jólagjöf í stað þess að gefa starfsfólki sínu litla pakka. „Við töldum gjöfina fara í góðar hendur þar sem hennar væri þörf“ sagði Guðrún Gísladóttir, framkvæmdastjóri Átaks. Á myndinni er Eyþór sem er ungur drengur í Hetjunum, að taka við gjöfinni sem Guðrún afhenti í dag.

Hetjurnar gegna mikilvægu hlutverki í stuðningi við langveik börn og fjölskyldur þeirra. Þar munar um hverja krónu en gjafafé er ýmist notað til að bæta aðstöðu á barnadeildum, styðja heilbrigðisstofnanir til tækjakaupa eða létta börnunum og fjölskyldunum þeirra lífið á annan hátt.

Hetjurnar, félag langveikra barna á Norðurlandi, afhentu barnadeild Sjúkrahússins á Akureyri nýtt öndunartæki að andvirði ein og hálf milljón króna í dag. Tækið, sem nefnist S.I.P.A.P, nýtist aðallega nýburum sem þurfa stuðning við öndun. „Við erum afar þakklát. Þetta er tímamótatæki sem mun án efa nýtast okkur vel í framtíðinni,“ sagði Andrea Andrésdóttir yfirlæknir á barnadeildinni við afhendinguna. Einnig gáfu Hetjurnar barnadeildinni 200 þúsund króna gjafabréf.