Hetjurnar | Félag langveikra barna á Norđurlandi

Hetjurnar, félag aðstandenda langveikra barna á Norðurlandi, er aðildarfélag Umhyggju sem er regnhlífarsamtök fyrir foreldrafélög langveikra barna á

Saga félagsins



Hetjurnar, félag aðstandenda langveikra barna á Norðurlandi, er aðildarfélag Umhyggju sem er regnhlífarsamtök fyrir foreldrafélög langveikra barna á Íslandi.

 

Félagið var stofnað 13. október 1999 en upphafið að því má rekja til þess að Guðrún Gyða Hauksdóttir, hjúkrunarfræðingur á barnadeild FSA, hvatti foreldra langveikra barna til að stofna stuðningshóp fyrir aðstandendur á Akureyri og nágrenni. Nú eiga um 157 fjölskyldur aðild að félaginu.

 

Tilgangur félagsins er fjórþættur: 

  1. Að gæta hagsmuna langveikra barna og aðstandenda þeirra
  2. Að miðla upplýsingum um hina ýmsu sjúkdóma
  3. Að gefa foreldrum vettvang til að hittast og ræða það sem á þeim brennur varðandi börnin og vandamál þeirra 
  4. Að gefa þessum fjölskyldum tækifæri til að hittast og eiga góðar stundir saman.   

    

Fastir liðir í starfsemi félagsins:

  •  Opinn sími alla virka daga, 868 7410.
  • Minningarkort til sölu til styrktar félaginu.
  • Útivistardagur með grilli og tilheyrandi skemmtun.
  • Leikhús- og bíóferðir.
  • Jólaball fyrir félagsmenn, ættingja og vini.
  • Styrkveitingar vegna tómstundastarfs og orlofshúsaleigu félagsmanna.    
Hetjufélagar geta sótt um styrki í styrktarsjóð Umhyggju, samkvæmt reglum sjóðsins.   


Upplýsingar um starfsemi og sögu félagsins er einnig að finna í ávarpi Lovísu Jónsdóttur meðstjórnanda sem hún flutti á hátíðarsamkomu Verkalýðsfélaganna á Akureyri 1. maí 2006 - sjá hér.

Mynd augnabliksins

forsida-11-44f1d7d83c03a.jpg

Teljari

Í dag: 0
Samtals: 43598

Framsetning efnis

moya - Útgáfa 1.13 2009 - Stefna ehf